واران رفت و بەڵاچە ٤١ کەس لە پاکستان کوشێد
دەسەڵات نیشتمانی وەڕێوەبردن کارەساتەیل هووشداریی لە رمیان زەوی و لافاو سەختیگ بڵاوکردەگە، و خزمەتگوزارییەیل کەشناسی مەزەنەی واران رفتیگ کەن تا چەن رووژیگ ترەک لە فرەی ویلایەتەیل وڵات.
ویلایەت پەنجاب کە لە کەفێدە روی چەم و شمارەی دانیشتگەیلی گەورەترینە مە ٢٤٠ ملیۆن کەسە، فرەترین زیان مرۆیی توومارکردگە، وەگورەی بەش ناوچەیی دەسەڵات نیشتمانیی وەڕێوەبردن کارەساتەیل.
دەسەڵاتەگە دووپات کرد کە لە ناوەین جمعە و یەکشەممە ٢١ کەس لەورا لەوەر ئەوروتریشقە لە ناوچە ئاواییەیل گیانیان لەدەسدانە.
لە پارێزگای بەلوچستان، لە باشوور خوەرئاوای ئاوای وڵات، لەلای کەمەو هەشت کەس گیانیان لەدەسدانە کە هەفت کەسیان لەوەر تریشقە زەخمدار بوین، وەگورەی نوێنەرایەتی دەسەڵات نیشتمانیی وەڕێوەبردنی کارەساتەیل لەو شوینە.
نوێنەرایەتییەگە وتیش: لەوەر وەردەوامبوین لافاو ناوچەیل، مەکتەوەیل ویلایەتەگە تا سێشەممە جویر ریکاریگ مقیتیبوین وە بەسیای مینن.
لە پارێزگای سند لە باشوور کەناراوەیل ئەو وڵاتە، لەوەر رویداوەیل هاتوچو کە پەیوەندی وە واران رفت دیرن، چوار کەس گیانیان لەدەسدانە.
هەرلیوا وارانە رفتەگە بویەسە مدوو مردن هەشت کەس - لەناویان چوار مناڵ - لە پارێزگای خیبەر پختونخوا لە باکوور خوەرئاوای پاکستان، و لەوەر رمیان ماڵەیل.
پاکستان لە روی شمارەی دانیشتگەیل پەنجەم وڵات جیهانە و لە ناو ئەو وڵاتەیلە کە فرەترین رخ لەبانی هەس لەوەر ئاڵشتبوین کەشوهەوا.
وارانەیل وەرزی کە لە مانگ حوزەیران دەسوەپی کەێد، کە خوازیاگە ئەرا پڕکردن سەرچەوە ئاوییەیل باشوور ئاسیا، 70 تا 80%ی وارانەیل ساڵانەس، بەڵام ساڵانە کارەسات و ماڵویرانی لەلی کەفێدەو.
لە تاوسان ساڵ ٢٠٢٢ لافاویگ بیوینە سێیەس وڵاتەگە نقوم کرد و زیاتر لە ٣٣ ملیۆن کەس گردەو و زیاتر لە هەزار و ٧٠٠ کەسیش مردن.
