لەوەر لافاو.. زیاتر لە 100 هەزار پاکستانی ناوچەیان چووڵ کەن
راگەیانن.
هەفتەی گوزەشتە ئۆپەراسیۆنەیل ڕزگارکردن فراوانتر کریا وەختیگ کەنارەیل چەم سوتلێج تەقیەو و چەن ناوچەیگ نقوم کرد.
فرەی ئەو چووڵکردنە لە ناوچەیل بەهاوالپور و کاسور لە هەرێم پەنجاب توومار کریان.
چووڵکردنیگ بویچگ لە مانگ تەمموزەو دەسوەپی کرد، دویای ئەوەگ هیندستان ئاو لە بەنداوەیل وەرەو چەم راڤی مەرەقەز کرد، کە لە هیندستانەو رشیەێدە پاکستان.
ئیجا وارام ئاو چەم سوتلێجی پڕەو کرد، کە ناچار دەسەڵاتدارەیل کرد ئەو دانیشتگەیلە درارن کە هانە نزیکەو.
دەزگای نیشتمانی وەڕێوبەرایەتی کارەساتەیل راگەیان " ئیرنگە ئاست ئاو چەم رافی ئاساییە، بەڵام چەم سوتلێج لەی هەفتەیە زیاتر بەرزەو بویە".
دەسەڵاتدارەیل پاکستان هیمان رەنج دەن تا لەو زیانەیلە رەد بکەن کە وەمدوو لافاو گەورەیگ لە تاوسان گوزەشتە کەفتیە، کە کاریگەری لەبان 33 ملیۆن کەس داشتر و گیان هەزار و 739 کەس ترەک سەنیە، و زیان وە ئابووری وڵاتەگە رەسانیە وەگورەی 30 ملیار دۆلار.
