مردنەیل فرەیگ وە لافاوەیل پاکستان ٥٦ مناڵ هاناویان
2022-08-13T13:35:13+00:00
شەفەق نیوز/ کەناڵ تەلەڤزیۆنی Dunya News، ئمڕوو شەممە، وت: لافاوەیل وەرزی لەو وارانەیل رفتە، بوینە هووکار کوشیان ١٨٦ کەس لەی هەفتەیل گوزەشتە، لە هەرێم بلوشستان پاکستان.
کەناڵەگە وتیش : واران و لافاوەیل ئی هەفتەیلە بوینە هووکار کوشیان ٨٥ پیاو و ٤٥ ژن و ٥٦ زاڕوو لە بلوشستان، و ٧٥ کەسیش لەوە زەخمدار بوین، هەمیش ئەو واران و لافاوەیلە زیاتر لە ٢٣ سەر ئاژەڵ لەناو دا، و کێلگەیل مامریش ویران بوین، و ١٨٠٨٧ ماڵ داغان بوی، وزەرەد وە ١٦ پیەڵ لە ناوچەگە رەسان.
وەگورەی زانیاریەیل کەناڵەگە، شمارەی قوربانیەیل وارانەیل وەرزی ولافاوەیل لە تەمووز وبەشیگ لە ئاب لە گشت وڵاتەگە لە ٧٠٠ کەس رەد کرد.
