پویچەڵکردن تەقەلای کوشتن سەرۆک رووسیا
2023-05-03T12:27:01+00:00
شەفەق نیوز/ سەرۆکایەتی رووسیا "كرملين"، ئمڕوو چوارشەممە، پویچەڵکردن تەقەلای ئۆکرانیا ئەرا کوشتن سەرۆک فلادیمێر پوتین، وە دوو فڕۆکەی درۆن راگەیان.
سەرۆکایەتی رووسیا لە بەیاننامەیگ وت: کیێڤ دویەشەو تەقەلا دا فڕۆکەیل درۆن ئەرا شوین نیشتەجیبوین پوتین سەرۆک رووسیا لە کرملین کل بکەێد.
وتیش: دوو فڕۆکەی درۆن کرملین کردنە ئامانج، و سوپای رووسیا لە مەوقەی گونجیاگ وە سیستەم رادار ئەو دوو فڕۆکە پەک خست.
وتیش: سەرۆک رووسیا هویچیگ وەسەری نەهاتیە، و لە کارەیلی وەردەوامە، و هویچ زەخمدارەییگ لەو پەلامارە نەکفتیە، و نەیش لە چویچیان پەراشەی دوو فڕۆکەکە وەبان زەوی کرملین.
