هاتێ بایدن وە سەردان سعودیە بیلێد ئیران چزیگ بیەێد
شەفەق نیوز/ رووژنامەی واشینتۆن پۆست ئەمریکی وت: بەشیگ لە پسپۆڕەیل لە باوەت ئیران، مەزەنە کەن ک هاتێ تەهران تەقەلا ئەرا چەن پەلاماریگ بیەێد وەگەرد سەردان جۆ بایدن سەرۆک ئەمریکا ئەرا خوەرهەڵات ناوڕاس و ئەو لووتکە ک وەگەرد سەرکردەیل عەرەب لە سعودیە ئەوەسا ئەنجامی دەێد.
رووژنامەگە وتیش: هاتێ ئیران تەقەلای ریگری لە سەردان بایدن ئەرا خوەرهەڵات ناوڕاس بەێد، ک بیلێد میلیشیایلی لە ناوچەگە چزدانیگ جیوەجی بکەن، جویر وەشانن مووشەک ئەرا سەربازگاییگ ئەمریکی.
مایکڵ ئایزنچات، وەڕیەوبەر بەرنامەی توێژینەوەیل سەربازی و ئەمنی لە پەیمانگای واشینتۆن ئەرا سیاسەت خوەرهەڵات ناوڕاس، وتاریگ لەبان سایت پەیمانگاگە نویسان: پەلاماریگ لە مەوقەی لوتکەگە شایەت چەن سوودیگ ئەرا تەهران بیاشتاد.
و دیاری کرد ک لەو سوودەیلە؛ زەلیل کردن ئەمریکا، وسعودیەی خاوەن میوانی، ونشاندان ئەوە ک ئەمریکا نیەتوەنێد مقەیتی برادەرەیلی لە مەوقەی سەردان سەرۆک بکەێد.
مەزەنە کریەێد لە سەردانەگەی بایدن ئەرا ئەو ناوچە ک پڕە لە نیگەرانی لە دەسەڵات ئیران ومیلیشیایلی لە هەرێمەگە، باس باوەت ئیران بکریەێد.
