تەهران لەبان کاریکاتێریگ سعودیە دژوە خومەینی تیەێدە دەنگ
شەفەق نیوز/ تەهران، ئمڕوو دووشەممە، وە تونی رەخنەی بڵاوکردن کاریکاتێریگ لەبان خومەینی لەناو یەکیگ لە رووژنامەیل سعودیە کرد، تا دووپات بکەێد جاریگتر ناو ئیمامەگە نارن.
رووژنامەی "ریاز" وتاریگ بڵاو کرد لە زوان تۆێژنەریگ ئەمریکی باس میژوو درویژیگ لەلایەن رژیم ئیران لە پیلانەیل کوشتن ئۆپۆزسیۆنەیلی و ەەخنەگرەیلی لە دەیشت کرد، و وینەیگ کاریکاتێری ئەرا خومەینی وەگەردی دانا.
ناسر کەنعانی قسەکەر وەزارەت دەرەوەی ئیران لە کۆنگرەیگ رووژنامەوانی وت: مەزەنە کەیمن لایەن سعودیە پابەند وە بنەمایل گفتوگۆ و دویرکەفتن لە گامەیل ناسیاسی بوود.
وتیش: ناوهاوردن ئیمام خومەینی وەبەدی کاریگ نەخوازیاگە، ومەزەنە لە حکومەت سعودیە کەیمن دووپات بکەێد ک ئیجویر گامەیلیگ دووارە نەوود.
کەنعانی هەمیش باس لە ئومید وڵاتەگەی کرد لە دووارەکردن دانوسەنین وەگەرد سعودیە وەی زویە لە سای وەردەوامی تەقەلای عراق ئەرا دەسوەردان ناوبەینیان، و دووپات لە پیشوازیکردن تەهران لەی تەقەلایلە و گفتوگۆ وەرد ریاز کرد.
