نرخ خوەراک لە جەهان بەرزەوبوین وە خوەی دوینێد

ئۆلێگ کۆبیاکۆڤ، وەڕێوەبەر ئۆفیس رێکخریاگ خوەراک و کشتوکاڵ سەر وە نەتەوەیەکگرتوەگان (فاو)، ئوشێد، دەورەداین دەریای سوور وەلایەن حوسیەگان یەمەن کاریگەری دروسکەێد لەبان بازرگانی خوەراک و بوودە هووکار بەرزەوبوین نرخ، ئاشکەرایکرد تێچگ کەشتیەیل چوار ئەوەنە زیایکردیە و گواستنەوەی لەو رێڕەوە وە رێژەی  30% کەمکردیە.

دیاریکردیە، گەپترین کۆمپانیایەیل کەشتیوانی لە جەهان رەدیکردنە کاڵاگانیان لەری دەریای سوور بگوازنەو، یەیش خاوەن کاڵاگان ناچار کردیە رییگ ترەک بگرنەوەر و کلکردن کەشتی لە ناوەین ئاسیا و ئەوروپا بوودە هووکار بەرزەوبوین نرخ بەرهەمەیل و نرخ خوەراک.

جی باسە، وەگەرد دەسوەپیکردن جەنگەیل ناوەین حەماس و ئیسرائیل، گرژیەگان دەریای سوور زیای کردیە، حوسیەگان یەمەن پەلامار ئەو کەشتیە بازرگانیەیلە دەن لەو رێڕەوە رەدبوون.