یەکەم عەرەبی و هەفتەم جەهانی...عراق هالەناو لیست ئەو وڵاتەیلە زیاترین خواردن وەهەدەر دەن

گۆڤارەگە لە راپۆرتیگی کە ئاژانس شەفەق نیوز ئەڵگەردیانی کردیە راگەیان، "وە هەدەردان خواردن گیچەڵیگ جەهانیە و کاریگەری نەرێنی لەبان ژینگە و کۆمەڵگا و ئابووری وڵاتەیل دروس کەێد".

وەپای راپۆرتیگ کە بەنامی وڵاتەیەکگرتگەیل ئەرا ژینگە بڵاویکردیە لەباوەت، وەهەدەرداین خواردن، نزیکەی 931 ملیۆن تەن خواردن لەماوەی یەک ساڵ وە هەدەر درێد، کە یەیش 8 تا 10 لەسەد دەرداین گاز ژەهراوی کاربۆن جەهان پەیوەنی وە خوەراکەیل وەکارنەهاتی.

راپۆرتەگە دیاریکەێد" پەیمانەیل وە هەدەرداین خوەراک ئاشکەرایکردنە نزیکەی 17 لەسەد لە بەرهەمیل خوەراکی جەهانی وە هەدەر چوود، کە ماڵەگان وە رێژەی 61 لەسەد وەرپرسن لە هەدەرداین خواردن، لەدویایش خزمەتگوزاری خوەراکیەیل وە 26 لەسەد، پیشەسازی فروشتن وە رێژەی 13 لە سەد".

نێجیریا لە لویتکەی یەکەم جەهان هاتیە و روسیا وە دویەم و لەدویایش یۆنان، بەحرێن، ماڵتا، عراق وە پلەی هەفتەم هاتیە لە بڕ 196 وڵات، کە هەر تاکە کەسیگ 120ککم پەسمەنەی خوەراک کەفێدەوەری، وەجیماگەیل خوەراکی ساڵانە رەسێدە4.7 ملیۆن تەن، لە لیستەگە سلۆفینیا و رۆمانیا لەو وڵاتەیلەن کەمترین خوەراک وە هەدەر دەن. 

وەپای گۆڤارە ئەمریکیەگە، عراق لە پلەی یەکەم وڵاتەیل عەرەبیە تێد لە دویاشی سعودیە، ئمجا لوبنان و یەمەن، و سووریا، و کوەیت، قەتەر، و ئۆردن و مسڕ و تونس، و لە کۆتایش، لیبیا.