نەتەوە یەکگرتووەکان ملیۆنا دۆلار کیشێد ئەرا نواگردن وەرسگی لە ٧ دەوڵەت
2020-11-18T08:53:48+00:00
شەفەق نیوز/ مارک لۆموک هەماهەنگکار باوەتەیل مرۆیی و رزگارکردن و فریاکەفتن لە نەتەوە یەکگرتووەکان وت: ئەوەسا بایی ١٠٠ مەلیۆن دۆلار لە سەندوق فریاکەفتن سەروە دەزگای جهانی دەرکێد ئەرا دەسمیەتی هەفت دەوڵەت تەقەلای نواگردن وەرسگی دەێدە ک ململانەگان و ئاڵشتبوین کەشوهەوا و وەدویاچکن ئابووری و پەتای کۆڕونا بوینە هووکاری.
و ئەوەسا ٣٠ مەلیۆن دۆلار لەبان یەمەن خەرج کریەێد و ١٥ مەلیۆن لە ئەفغانستان و باکوور خوەرهەڵات نەیجیریا و ئەوەسا هەفت مەلیۆن دۆلار ئەرا باشوور سودان و کۆمار کۆنکۆی دیموکرات وشەش مەلیۆن ئەرا بورکینیا فاسو، و لوک وتیش؛ ٢٩ مەلیۆن تەرخان کریا نەکا رەوش ئەسیوپیا خراو بوود.
وتیش: شایەت بایمنەو ئەرا جهانیگ ورسگیەیل دڵ زیاندەر و ناشرین لەناوی بوود، لە جهاتیگ خوەراک هاناوی بەش گشت کەسیگ کەێد و زیاترە، ورسگیەگان بوونە مردن دڵتەزنیگ.
