بلاسخارت: نەتەوە یەکگرتگەیل گەورەترین هاوکاری لە جهان دەێدە هەڵبژاردن عراق
2021-09-07T08:38:52+00:00
شەفەق نیوز/ جینین هینیس بلاسخارت، خانمە سەرۆک شاند نەتەوە یەکگرتگەیل لە عراق، ئمڕوو سێشەممە، راگەیان ئەوەسا نەتەوە یەکگرتگەیل گەورەترین هاوکاری لە جهان دەێدە هەڵبژاردن پەرلەمانی عراق، ک تەگبیرە لە دەی تەشرین یەکەم ئایندە ئەنجام دریەێد.
بلاسخارت لە کۆنگرەیگ رۆژنامەوانی ئمڕوو لە بەغداد وت: ئەو هاوکاریە ک ئەوەسا نەتەوە یەکگرتگەیل دەێدەی هەڵبژاردن عراق، بوودە گەورەترین هاوکاری لە ئاست جهان، و ئەوەسا تیمەیل فرەیگ بڵاو کەێد، و دیاری کرد ک شمارەی فەرمانبەرەیل نەتەوە یەکگرتگەیل ک ئەوەسا بڵاویان کریەێد چەن قاتیگ لە شمارەی هەڵبژاردن ٢٠١٨ لە عراق فرەترە، وەگەرد بەشداری ١٨٠ پسپۆڕ ناودەوڵەتی.
