نەتەوە یەکگرتگەیل: پەلامارەگەی دوێەشەوین عراق وەرەو نادیاری بەێد
2021-07-07T09:17:14+00:00
شەفەق نیوز/ جینین هینیس بلاسخارت نۆێنەر تایبەت ئەمیندار گشتی نەتەوە یەکگرتگەیل لە عراق، ئمڕوو چوارشەممە، ئەو پەلامارە ک دوێەشەو لەبان فڕۆکەخانەی ناودەوڵەتی هەولێر بوی عراق وەرەو نادیاری بەێد.
بلاسخارت لەبان ماڵپەڕ تویتەر نووسان: ئی پەلامارەیل وەردەوامە، و دوێەشەو یەکجار تر لەبان هەولێر، خوەی سووکایەتیە وە سەروەری یاسا.
وتیش؛ ئیجوور کارەیلیگ وڵاتەکە وەرەو نادیاری بەێد، و شایەت گەل عراق باج گرانیگ بەێد.
بلاسخارت جەخت کرد ک بایەتە شەرعیەت دەوڵەتەگە لەلایەن کەسەیل چەکدار توندڕەو هەڕەشە نەیریەێد.
دەزگای دژە تیرۆر لە هەرێم کوردستان، رووژ سێشەممە، راگەیان ک فڕوکەی ناودەوڵەتی هەولێر کەفتە وەر پەلاماریگ وە فڕۆکەیگ بیفڕۆکەوان.
دەزگاگە لە بەیاننامەیگ وت: پەلامارەگە لە ساعەت ١١:٣٠ شەو بوی، و هیچ زەرەدەیلیگ دارایی یا قوربانی لەلی نەویەو.
