بلاسخارت: پشتگیری لە ژن ئەرا پۆست سەرۆک لە عراق کەیمن
شەفەق نیوز/ جینین هینیس بلاسخارت خانمە، سەرۆک شاند نەتەوە یەکگرتگەیل لە عراق، ئمڕوو سێشەممە، جەخت لە گرنگی وەرگردن پۆستەیل باڵا کرد، و هەمیش پیشوازی لە وەرگردن ژنیگ ئەرا وەرگردن سەرۆکایەتی لە عراق کرد، و داوا لە فراکسیۆنە سیاسیەیلە کرد ری فراوانیگ ئەرا بەشداریکردن ژن واز بکەن.
بلاسخارت لە کۆنگرەیگ رۆژنامەوانی ئاژانس شەفەق نیوز ئامادەی بوی وت: کۆمسیۆنەگە تەقەلا و رەنجەیلیگ وەخاتر نواگردن دەسکاری وتەزویر دەێد، و زانیمن ک راهێنان ووەرجە دوو هەفتە بوود، و شایەت بۆشایی هەس، باوجی مەزەنە کەێمن ک کارەگە وەشیوەی خاسێگ چوودە ری، ولایەنەیلیگ تر هەس چەودیری هەڵبژاردن کەن نەگ تەنیا نەتەوە یەکگرتگەیل.
وتیش: ٶکومەتەگە رکدارە لە ئەنجامدان هەڵبژاردنەگە لە مەوقەی دیاریکریاگ خوەی، و تەنیا پەنج هەفتە مەنیە، ولەی قۆناغە توانای دویاخستن یا وازهاوردن لە مەوقەگەی نییە، ئیمە رکداریمن هەڵبژاردن بوود، و ئەوەگ لە هەڵبژاردن ٢٠١٨ بوی گرفتەیل فرەیگ پەیا بوی.
