مووشەک حووسییەیل کەشتییگ ئەمریکی لە دەریای سوور کەێدە ئامانج
ئێم ڤی تۆرم دۆر کەشتی بارهەڵگر کیمیاوی نەفتی ئەمریکاس، و پەرچەم ئەمریکی هەڵگردیە.
فەرماندەییەگە وتیش؛ پەلامارەگە هویچ زەرەدیگ یا زەخمدارییگ لەلی نەکەفتیە، وتیش: مووشەکەگە کەفتە ناو ئاو.
دیاری کرد کە هیزەیل ئەمریکا لە خود رووژەگە دوو فڕۆکەی بێفڕۆکەوان لەبان باشوور دەریای سوور خستە خوار.
حووسییەیل پەلامارەیلیگ لە نۆڤەمبەرەو وەردەوام وە فڕۆکەی بێفڕۆکەوان و مووشەک لە دەریای سوور و تەنگەڕی باب ئەلمەندب و کەنداو عەدەن جیوەجی کەن، ئەرا پاڵپشتیکردن لە فەلەستین وەگەرد وەردەوامی جەنگ ئیسرائیل لەبان کەرت غەزە.
وەرانەوەر ئەوە، ئەمریکا و بەریتانیا دەسکردنە هەڵمەت پەلامارەیل لەبان شوینەیل وەشیان فڕۆکەیل بێفڕۆکەوان و مووشەکەیل، وەتایبەت لە پارێزگای حدیدەی یەمەن لەبان دەریای سوور.
لە هەفتەی گوزەشتە، حووسیەیل وتن؛ ئەوەسا پەلامارەیل لەبان ئەو کەشتیەیلە خەسەو کەن کە پەیوەندی وە ئیسرائیل و ئەمریکا و بەریتانیا دیرن.
