سوپای ئەمریکا چەک حووسیەیل ویران کەێد

فەرماندەیی ناوەندی ئەمریکا لەبان پلاتفۆرم ئێکس وت: فڕۆکەیگ بێفڕۆکەوان لەبان دەریای سوور ویران کرد.

وتیش: گشت ئەو چەکەیلە هەڕەشەیگ نزیک لەبان کەشتیەیل بازرگانی و کەشتیەیل دەریایی ئەمریکی لەناوچەگە داشتن.

گرووپ حووسیەیل یەمەنی مووشەک و فڕۆکەی بێفڕۆکەوان پڕ لە تەقەمەنی ئەرا کەشتیەیل بازرگانی لە دەریای سوور و کەنداو عەدەن وەشنێد، لە ناڕەزایی لەبان پەلامارە سەختەیل ئیسرائیل لەبان کەرت غەزە.

هەفتەی گوزەشتە، حووسیەیل ئاگاداری فەرمی ئەرا وەرپرسەیل بارکردن و کۆمپانیایل بیمە کل کردن لە باوەت قەیەغەکردن ئەو کەشتیەیلە کە پەیوەنی وە ئیسرائیل و ئەمریکا و بەریتانیا دیرن، کە لەناو ئاوەیل نزیک ناوچەگە جویلە نەکەن.

گرووپەکە هەمیش هەڕەشە دا کە ژیرئاویەیلیگ خەێدە کار ئەرا جیوەجیکردن پەلامارەیلی لە دەریای سوور، کە رخیگ لە وەئامامجگردن کڕەیل ئەنتەرنێت دروس کرد.