ئەڵمانیا.. هەڵمەت دەسگیرکردن لە ١١ ویلایەت وە توومەت پلانسازی ئەرا رمانن حکومەت

شەفەق نیوز/ دەسەڵاتەیل ئەڵمانیا، ئمڕوو چوارشەممە، ئۆپراسیۆن گەورەیگ لەلایەن دژە تیرۆر و دەرچگن فەرمان دەسگیرکردن ٢٤ کەس راگەیان ک گومان لە لایەنگرییان ئەرا ریخریاگ «بزووتنەوەی هاوڵاتیەیل رایخ» کریەێد، وە توومەت تەقەلای رمانن حکومەت و ئامانجکردن دامودەزگایل دەوڵەت.

مارکۆ بوشمان وەزیر داد ئەڵمان وت: بانگەشەکار گشتی لێکۆڵینەوە لە تووڕیگ تیرۆری کەێد گومان لەلی کریاگە پلانسازی ئەرا پەلاماریگ چەکدار لەبان دامودەزگایل دەستوری دیرن.

لەلای خوەییش خانمە قسەکەر داد ئەڵمانی وت: دەسەڵاتەیل هەڵمەتەگە لە ١١ ویلایەت ئەڵمانی جیوەجی کردن، وەبی ئاشکراکردن هویردەکاری.

جی باسە ک هاوڵاتیەیل رایخ دان وە دەوڵەت ئەڵمانی ک دویای رمیان نازی دامەزریا و نەیش وە یاسای نیەنەن، و باج و شایستەیل کۆمەڵایەتی نیەن، و رکدارن ک ئیمبڕاتۆڕیەت ئەڵمانیا هیمان هەسەی.