دویای سەگ.. هووکارەکردن خەرەنگز تا ئاشکرای کۆرۆنا بکەێد

شەفەق نیوز/ دویای تاقیکردن توانای سەگەیل لە ئاشکراکردن ڤایڕۆس کۆڕۆنا لەڕی بوونکردن، زانایلیگ هۆڵەندی لەلایان دەرکەفت ک خەڕەنگز توانای ئاشکراکردن تووشهاتن وە ڤایڕۆس کۆڕۆنا دیرێد.

زانایلیگ هۆڵەندی هووکارەی بڕێ خەڕەنگز کردن ک هەس بوونکردن تیژیگ دیرێد، تا ئاشکرای نموونەیلیگ بکەن لە تووشهاتن ڤایڕۆس کۆڕۆنا، ک ئویشن ئەوەسا ماوەی چەوڕی ئەنجام تاقیکردنەوەیل ڤایڕۆسەگە کەمەو کەێد، و رەسنێدەی ئەرا تەنیا چەن چرکەیگ.

لە زانکۆی فاخننگن ئەڵمانی، هووکارەی ئەو خەڕەنگزەیلە کردن هەنای بوون ئەو نموونەیلە بکەن ک نموونەیلیگ پلیاگ وە کۆڤێید -١٩ هاناویان، زوانیان دەرکەن.

ئەو زوان دەرکردنە نشانەیگە ک ئەو نموونە ڤایڕۆس کۆڕۆنا لەناوی هەس، وچەن رووژیگ  لەجیای چەوەڕیکردن ئەنجامەیل تاقیکردنەوەیل ڤایڕۆس کۆڕۆنا، بوودە تەنیا چەن چرکەیگ ک ئەو ئەنجامە کەفێدە دەس.