باڵندەی چەودیری دەسکرت..سووک وبی دەنگ
شەفەق نیوز/ مەلەوەر وباڵندەگان بوینەسە هویرەوکردنیگ، کا ئایەم خوازێد لەشیوەی دروس بکەێد، ئمڕوو، دروسکەرەیل فڕۆکەگان دەسکردنە دروسکردن فڕۆکەیل بیفڕۆکەوان، هویریان لە ئەو باڵندەیلە وەرگردن ک وەپەڕ پووشیانە.
کۆمپانیای ''فیستو'' ئەڵمانی ک تایبەتە وە دروسکردن ئامێرەگان ک وەناوبانگن وەشیوەیل ئەڵاجەوی، دەسکردە دروسکردن فڕۆکەیلیگ هیچ وەئاسان جیوازی نێکریەن لە باڵندە راستەقینەگان، لە گوزەیشتە ئی کۆمپانیا فرە جوور لە شیوەیل نوو دروس کرد جوور پەپولە یا بەتڕیق وگشتیان باڵەوگرن.
کۆمپانیاگە فرە گرنگی داگە شیوەی بایۆڵۆجی کارەگانی، تا باڵندەیلیگ ئامێری سووکیگ دروسکرد، وە دینامیک هەوایی گونجیاگیگ، وتوانای جوولەی ووردیگ دیرێد، لە پیچخواردن و لاداین سەخت.
ئاندازیارەیل کۆمپانیاگە جەختکردن لە سووکی کیشەگە وەشیوەی باڵندە راسیەگان، ئەراوە نەێشتن کیش یەکیگ لەی باڵندەیل دەسکرتە لە ٤٥ گڕام زیاتربوود، و دریژیەگەی رەسێدە دەور ٤٤ سانتیمەتر، و رووبەر ناوبەین هەردوگ باڵەگەی رەسێدە ٦٧ سانتیمەتر.
ئەندازیارەگان پەڕ دەسکرت وەکارهاوردن وەهاوشیوەی بەڕ راسی، تا باڵگردنی هەمیش هاوشیوەی باڵندەی راسی بوود، و هەڵبەت پاتری و دگانەیل جوولەگان و ئامێرەیل وەرگردن شەپۆل رادیۆیی، و ئامێرەیل کۆنتڕۆلکردن هاناوی.
