یەکەم شەو رەمەزان.. پەیاکردن سەر وەرازیگ لە وەردەم مزگەفتیگ لە فەرەنسا

 ئیسماعیل گولمز سەرۆک ناوەندەگە ئەرا ئاژانس فرانس پرێس وت:  شەو یەکشەممە ١٠ی ئادار لە نزیک ساعەت ٧:٤٠ سەر وەرازیگ پەیا کریا، وتیش: پولیس وینە گرد و سەرەگە برد.

 گولمز وتیش: یە کاریگ بیتامە، ئیمە کەسیگ نەڕەنجانیمنە.

بانگەشەی گشتی لە شار سان ئۆمیر دووپات کرد کە سکاڵا لەی باوەتە وەرگردیە.

شارەوانی سان ئۆمیر لە بەیاننامەیگ بیزاریی لە کارەیل خراوەکاری پەسەن نەکریاگ نشان دا کە لە ساعەتەیل سەرەتای مانگ رەمەزان بوی.

هەمیش وە سەختی شەرمەزار ئی کردەوەیلە کرد، و پاڵپشتی تەواوی ئەرا کۆمەڵگای موسوڵمان راگەیان، و دووپات کرد کە ئازادی گشت ئاینەیل یەکیگە لە بنەمایل سەرەکی ئەرا دیموکراتی لە فەرەنسا.