لافاوەیل وڵات یەمەن شارەیلی لەیەک بڕێدەو
2023-03-30T07:18:03+00:00
شەفەق نیوز/ لافاوە تونەیل لە چەن پارێزگایگ یەمەنی، ئمڕوو پەنجشەممە، زەرەد وە ریوبان و دەیان ماڵ رەسان، لە وەختیگ ناوەند مەزەنەەی کەشوهەوا بەشداری لە واران رفتیگ وەگەرد تریشقە و گرمەهڕ کرد.
وەگورەی قسەی ئاژانس سپۆتیک رووسی، سەرچەوەیگ لە دەسەڵات ناوخوەیێ لە پارێزگای حەزرەمەوت وت: واران رفتیگ لە شەو چوارشەممە و شەفەق پەنجشەممە واریە، و گەردەلویل و تریشقە وە گەردی بویە.
سەرچەوەگە وتیش: ئەو لافاوەیل تونە زەردە رەسانە دەیان ماڵ لە حەزرەمەوت، و چە شاریگ لەیەک بڕیەو، و ماشین لەبان ریوبانەیل ماڵیە.
لافاو هەر وەیجویرە رەسیە بەشەیلیگ لە پارێزگای شەبوە و هەمیش زەرەد و ماڵەیل ناوچەی جلعە و چەن ئاواییگ رەسان و چەن رییگ بڕیە.
و وارانە رفتەگە زەرەد وە ماڵەبل ناوچەی زالع ناوڕاس یەمەن رەسان، وەگەرد مەزەنە وهوشداری لە واران فرەیگ لە فرەی ناوچەیل یەمەن.
