کوشیان و زەخمداری وە تەقینەوەی ناو دوکان چەک فرووشتن لە یەمەن

شەفەق نیوز/ ٦ کەس کوشیان و٣٠ کەسیش زەخمدار بوین، لە تەقینەوەیگ لەناو دوکانیگ چەک فرووشتن، ئمڕوو سێشەممە، لە پارێزگای ئەبیەن باشوور یەمەن.  

میدیایل راگەیانن یەمەنی لە زوان سەرچەوەیلیگ باس کەفتن کوشیان وزەخمداری کردن، ژن ومناڵیش هاناویان، ئەوەیش لە تەقینەوەیگ لەناو دوکانیگ چەک فرووشتن لە شار لودر لە پارێزگای ئەبیەن.  

سەرچەویلە وتن: شۆرتیگ کارەبایی بویەسە هووکار ئاگر لەناو دوکان چەگ فرووشتن، و رەسیە تەقینەوە لەناو ئەو بینا ک دوکانەگە هاناوی، وباس دەرچگن بڕیگ لە دانیشتگەیل بیناگە وەرجە رمیانی کردن، ک فرە لەلیان رزگار بوین. 

وتنیش: کەسەیلیگ لەژیر رمیای بیناگە گیر هاتنە، مەزەنەی مردنیان کریەێد، و شمارەی قوربانیەیل ئەگەر زیایبوین دیرێد.