سوليفان: جەنگ رووسیا و ئۆکرانیا ئەرا چەن مانگیگ یا زیاتر درۊژە کیشێد

شەفەق نیوز/ راویژکار ئاسایش نەتەوەیی ئەمریکا، جیک سوليفان، ئمڕوو پەنجشەممە، دووپات کرد ک جەنگ رووسیا و ئۆکرانیا درۊژە کیشێد.  

ئاژانس رۆیتەرز لە زوان سوليفان وت: هاتێ جەنگ ئۆکرانیا و رووسیا تا چەن مانیگ و زیاتر وەپی بچوود.    

هەمیش وت: وڵاتەگەی نیاز ئاڵشتکردن دەسەڵات لە رووسیا نەیرێد، ک ئەوە تەنیا وەرپرسایەتی گەل رووسیاس.     

لەبان وتارەیل وەرین جۆ بايدن سەرۆک ئەمریکا، لەباوەت گرنگی وازهاوردن فلاديمير بوتين سەرۆک رووسیا لە دەسەڵات، لەوەر ئەو تاوانەیلە ک لەبان زەۊ ئۆکرانیا جیوەجی کردگە، سوليفان وت: یە وتارەیلیگ کەسانەس، و دووپات کرد ک وڵاتەگەی هۊچ سیاسەتیگ ئاڵشتکردن رژیم رووسیا نەیرێد.