پەناگەی ژیرزەمینی "رووژ قیامەت" گرانەو بوود

پەناگەی ژیرزەمینی "رووژ قیامەت" گرانەو بوود
2022-03-10T06:44:06+00:00

شەفەق نیوز/ هەرچەن جەنگ ئۆکرانیا هیمان لە ئەمریکا دۊرە، باوجی دیارە زیڕە وە بەشیگ لە مەردمەیلی رەسانیە، و دیارە تەنیا باسکردن لە ئەگەر وەکارهاوردن چەک ئەتۆمی، هیلێد فرە کەس بکەفنە مینەی چشتیگ تا قورتاریان بکەێد.  

ک لەوەختیگ جەنگ ئۆکرانیا دەسوەپی کردگە،  و فلادیمێر بۆتین سەرۆک رووسیا دەس کردیەسە هەڕەشەی چەک ئەتۆمی،  بسینەیل پەناگەیل تایبەت لە ئەمریکا فرەوە بۊنە.  

"پەناگەیل رووژ قیامەت" ، کۆمپانیایگ لە ویلایەت تەکساس ئەمریکا، وەیجۊرە ناوی نەێد، و ١٠٠% لە پوڵا دروس کریاگە، و نریەێدە ژیر زەۊ، وە قۊلی ٣ مەتر ئەوبان.    

کۆمپانیای "رایزینگ ئێس" ک یە زیاتر لە ٢٠  ساڵە کار لە درەسکردن پەناگەیل کەێد، ئۊشێد داواکەرەیل پەناگە لەماوەی کەمتر لە دوو هەفتە، نزیک ١٠ قات زیای بۊنە.  

"گاری لینش" وەڕیەوبەر گشتی کۆمپانیاگە ئەرا میدیایلە ئۊشێد: لە مەوقەیگ هێزەیل رووسیا چگنە ناو ئۆکرانیا تا ئیسە، زەنگ مۆبایلەگەی کپەو نەۊە.  لە ئیتاڵیا و دانیمارک و کەنەدایش، کەسەیلیگ داوای زانیاری زیاتر لەو پەناگەیلە کەن، هەڵبەت لە نرخەگەییش. 

کۆمپانیای "رایزینگ ئێس" پەناگەیلە وە نرخ ٤٠ هەزار دۆلار ئەوبان فرووشێد، تا رەسێدە زیاتر لە ٨ ملیۆن دۆلاریش.   

Shafaq Live
Shafaq Live