سەرمایەدارەیل رووسیا پۊلیان ئەرا دوبەی کل کەن

شەفەق نیوز/ سەرمایەدارەیل رووسیا تەقەلادەن داهاتیان لە وڵاتەیل ئەوروپاوە ئەرا وڵات ئیمارات کلبکەن، وەخاتر مقەیەتیکردنی لە سزایل خوەرئاوا لەبان مۆسكۆ لە دۊای پەلامار وڵاتەگەیان لەبان ئۆكراین. 

وەگورەی ئاژانس رۆیتەرز، وەپای ئەوەگ ئیمارات تا ئیسە رەتیكردیە لایەنگری هۊچ لایەنیگ جەنگی نوان رووسیا و ئۆكراین بکەێد و  وەدرۊژایی چەندین ساڵە پەیوەندیەگی تون و تۆڵ  وەگەرد رووسیا بەسایە، هەر لەوەر ئەوە  ئەرا سەرمایەدارەیل رووسیا گونچیاگە  هۊر لە هەناردن سامانەیلیان بکەن ئەرا ئەو وڵاتە، دیاریترین شاریش دوبەیە ک هەمیشە جی سەرنج سەمادارەیل بۊە. 

فرەیگ لە سامان سەرمایەدارەیل رووسیا لەئیسە ها لە بانکەیل سویسرا و بەریتانیا ک چەن سزایگ وەبان دامەزراوەیل رووسی چەسپاننە. 

لەی باوەتە شارەزایگ مژار بەرهەمهاوردن ئۊشێد: “ئیمارات وڵاتیگ ناوەندگیری گونجیایگە لەی ناوەندە، وەپای ئەوەگ تەنیا چەن ساعاتیگ وە فڕۆكە دۊرە و لەهەمان وەخت هیچ كیانیگ رێکخریاگی لەناوی نییە ك هەماهەنگ بوود وەگەرد وڵاتەیل خورئاوا.”