عراق کەفێدە شەپۆل رووسی سەردیگ
شەفەق نیوز/ پێشبینکار کەشوهەوایی سادق عەتیە، ئمڕوو جمعە، مەزەنەکرد ک وڵاتەگە بکەفێدە شەپۆل کەشووهەوایی سەردیگ لە رووسیا.
عەتیە لە ماڵپەڕ فەیسبووک ئمڕوو نووسان: جوولەی ئەورە بوورەگان لە شارەیل باکوور ''نەینەوا ودهۆک وهەولێر و سلێمانی'' و ناوچەیل سەڵاحەدین و باکوور دیالە ئمڕوو هالە ئەگەر وارانیگ لە بەشیگ لە شوونەگان.
وتیش؛ رووژ شەممە واران کەمیگ لە هەولێر وسلێمانی، وهەمیش پێشبینیەگان ئاماژەکەن ک شەوەکی و رووژ یەکشەممە بوودە واران کەمیگ لە ناوچەیل بەغداد پایتەخت ودیالە وناوچەیلیگ لە ئەنبار وسەڵاحەدین وهەمیش لە دهۆک وسلێمانی وهەولێر.
عەتیە وتیش؛ شایەت شەو یەکشەممە، واران کەمیگ بوود لە ناوچەیل جوورا جور لە فوڕات ناوڕاسین و هەمیش ناوچەیل سەماوە ومیسان وواسیت ودیالە.
پێشبینکارەگە باس هووکار رەوش کەشوهەواگە کرد لە شەپۆل سەردیگ لە چینە بەرزەگان هاتگە ک بنچینەگەی شەپۆل داوازیای سەردیگە لەبان رووسیا.
