رووسیا خوازێد باێدەو ئەرا کارەیلی لەنەفت وگاز لەناو عراق
شەفەق نیوز/ ماکسیم ماکسیمۆف باڵوێز رووسیا لەلای عراق، دووپاتکرد ک کۆمپانیایل نەفت رووسی گامەیلیان دانەن ئەرا هاوردنەوەی کاریان لەناو بازاڕ نەفت وگاز عراق.
ماکسیم ئمڕوو پەنجشيممە، وت: کۆمپانیا نەفتیە رووسیەگان (زارونیجنەفت، ئیستڕۆیترانکاز، تاتنەفت، سیوزنفگاز، ئیریاڵ نیفتگاز سێرڤیس) گامەیلیان دانەن ئەرا هاوردنەوەی کاریان لەناو بازاڕ نەفت وگاز عراق.
وتیش؛ کۆمپانیای ''لۆک ئۆیەڵ'' دەسکەێدە کارەیل پەیاکردن جیولۆژی لە گێڵگەی ''بلۆک-١٠'' و ئەویش وەگورەی مەزەنە سەرەتاییەگان لە گەوراترین کێڵگەیلە ک لەعراق پەیاکریانە لە ماوەی ٢٠ ساڵ گوزەیشتە.
و دووپاتکرد، لەبان داوەزین نرخەیل نەفت و بڵابوین پەتای کۆڕۆنا، کۆمپانیایلیگ رووسی جوور ''گاز بڕۆم- نەفت'' و ''باشنەفت'' و''رووسنەفت'' وەردەوامن لە بەشداری لە جیوەجیکردن پڕۆژەیل نەفت وگاز، وگریەبەسەیل خوەیان وەجی تیەرن.
