رووسیا: کوشیان زیاتر لە ٥٠ ئەفسەر ئۆکرانی وە گورزیگ مووشەکی

 شەفەق نیوز/ وەزارەت وەرگری رووسیا، ئمڕوو یەکشەممە، راگەیان زیاتر لە ٥٠ ژەنیڕاڵ وئەفسەر وە گورزیگ وە مووشەک "گالیبەر" لەبان ناوەند فەرماندەیی لە ناوچەی ديبروبيتروفسك ئۆکرانیا کوشیا.   

ئیگور كوناشينكۆف قسەکەر وەزارەت وەرگری رووسیا وت: وەماوەی رووژ گوزەشتە، مووشەکەیل گالیبەر لە دەریا وەشیانە، دان لە بارەگای فەرماندەیی هیزەیل ئۆکرانیا نزیک ئاوای شیروکا داچا، لەو مەوقە گردەوبوینیگ لەلاین ئۆپراسیۆنەیل ستراتیژی لەو شوینە ئەنجام دریا. 

دیاری کرد ک لە ئەنجام ئەو گورزە، زیاتر لە ٥٠ ژەنیڕاڵ وئەفسەر لە هیزەیل چەکدار ئۆکرانیا گیانیان لەدەسدان.