رووسیا ئەماریگ نەفتی لە ئۆکرانیا ویران کەێد

 رووسیا ئەماریگ نەفتی لە ئۆکرانیا ویران کەێد
2022-04-06T15:23:08+00:00

شەفەق نیوز/ دەسەڵاتەیل ئۆکرانیا دووپات کردن ک ئەماریگ نەفتی نزیک شار دنیبیرۆ لە خوەرهەڵات ئۆکراین دۊەشەو کەفتە وەر گورزیگ رووسیا، ک ویرانی کرد.  

وەرپرس ناوچەی دنیبیرۆ، فاڵینتان ریزنیچینکۆ لەبان تیلیگرام وت: شەو سەختیگ بۊ، دوژمن لە ئاسمانەو پەلامار دا، و داگە ئەماریگ نەفتی و کارخانەیگ، ئەمارەگە ویران کرد، و ئاگر گەپیگ لە کارخانەگە هەڵسیا.   

وتیش: خوەشبەختانە ک هۊچ زەخمدارییگ توومار نەکریا، و تیمەیل وەرگری شارستانی، دۊای ٨ ساعەت توەنستن ئاگرەگە کپەو بکەن، 

لەلای خوەییش، میکۆلا لۆکاچوک سەرۆک ئەنجومەن دنیبیرۆ وت: گورزەگەی رووسیا لە وەخت دیریگ لە شەو سێشەممە وەشیا بان بوفۆموسکۆڤسک وە دۊری ٢٤ کیلومەتر لە شار دنیبیرۆ.   

Shafaq Live
Shafaq Live