ئیران وە سێ مانگ ٤٨ بەندیکریاگ کورد وەسێدارە دەێد
ناوەند هەنگاو ئەرا ماف مرۆڤ بڵاو کرد؛ لە سێ مانگ سەرەتای ئەمساڵ 48 بەندیکریاگ کورد لە زیندانەیل ئیران لەسێدارە دریانە، ک بەراورد وە ساڵ گوزەشتە ریژەی لەسێدارەدان بەندیکریاگەیل کورد 270% زیای کردگە.
ناوەندەگە باس کرد ک لە ماوەی ئەو سێ مانگە لەلای کەمەو 141 کەس لە سەرتاسەر ئیران لەسێدارە دریانە، و 34% سەرجەم لەسێدارەدریایل زیندانەیل ئیران کورد بوین.
وەپەی ئامارەیل لە سێ مانگ ساڵی گوزەشتە 13 کورد لە ئیران لەسێدراە دریانە، ئەراوە ریژەی لەسێدارەدان بەندیکریاگەیل کورد لە سێ مانگ ئمساڵ 270% واتە نزیکەی سێ ئەوەنە بەرزەو بویە.
هەنگاو ناو سێ بەندیکریاگ سیاسیی بڵاو کرد ک لەو سێ مانگە لە زیندانەیل کەرەج و کرماشان و ورمێ لەسێدارە دریانە.
لە زیندان ورمێ 19 بەندیکریاگ کورد لەسێدارە دریان، و لە زیندان سنە سێ بەندیکریاگ و لە زیندان ئیلام دووان، و لە کەرەج و بەندەرعەباس و ئەراک و چەن شاریگتر 16 کەس کورد لە ماوەی ئەو سێ مانگە لەسێدارە دریانە.
