ئیران دوو کەس دەێدە سێدارە لەبان سۆشیال میدیا سووکایەتی وە ئیسلام کردنە
کەناڵ عالەم ئیرانی وت: شەوەکی ئمڕوو فەرمان وەسێدارەدان لەبان دووان جیوەجی کریا ک سووکایەتی وە قورئان و پیرووزیەیل ئیسلامی کەن، و دیاری کرد ک هەرلە یوسف مهرداد و سەدرولڵا فەزڵی زارع، ک هەردوگیان تاوانکار و دوژمن ئیسلامن و سووکایەتی وە پیرووزیەیل ئیسلامی و ئەرزشەیل کەلتوری و ئاینی گەل ئیران کەن.
وتیش: تاوانبارەیل وە شیوەی خەسیگ لەبان سۆشیال میدیا سووکایەتی وە ئاین ئیسلام و کەسایەتی پەیغەمبەر و ئیمامەیل کردنە، و ئی سووکایەتیە وە ئاشکرا بڵاو کردنە.
دیاری کرد فەرمانەگە لەبان توومەتبارکردن فازڵی وە توومەت ناونەسەق وە پەیغەمبە، لەئاین دەرچگن، و قسەی بەد وە داڵگ پەیغەمبەر، و پیسکردن قورئان وە سزیانی و قسەی بەد وە پیرووزیەیل و بڵاوکردن وینەیل کەسەیلیگتر وەبی رەزانەمنییان، و لەبان مهرداد وە توومەت سووکایەتیکردن وە پەیغەمبەر و پیرووزیەیل ئاینی و ئیسلامی.
