ئەرا یەکەمین جارە.. سەگیگ لە بەرازیل تویش ئاوڵەی مەیمون تیەێد
2022-08-25T08:25:31+00:00
شەفەق نیوز/ دەسەڵاتەیل تەندروسی لە ویلایەت میناس جیراس باشوور خوەرهەڵات بەرازیل راگەیان: وڵاتەگە یەکەمین تویشهاتن ئاوڵەی مەیمون لەلای سەگیگ توومار کرد.
ئەو سەگە ها گەرد خاوەنەگەی، ک ئەویش تویش ئاوڵەی مەیمون هاتگە، وخاوەنەگەی لە ٣ی ئاب نشانەیل بیماریەگە لەلی دەرکەفتن، و لە ١٣ی ئاب سەگەگە تویشهاتنی ئاشکرا بوی، ک لەش سەگەگە پڕ لە تویک و ئاوڵە بوی.
