خوەینشاندان لە شاریگ فەرنسی دویای سەرکەفتن ماکرۆن

 شەفەق نیوز/ ئیزگەی "فرانس بلو" باس ئەوە کرد ک خوەینشاندەیل ری ناوڕاس شار رین بڕین، دویای ئاشکراکردن یەکەمین ئەنجامەیل هەڵبژاردن سەرۆکایەتی،  ک سەرکەفتن ئیمانۆیل ماکرۆن نشان دەێد.           

چەپەکان بانگەشەی ئی خوەینشاندانە لەبان سۆشیال میدیا کردن، و دەسەڵاتەیل پارێزگاگە لە رووژ جمعە قەیەغەی خوەینشاندان راگەیانن.   

فرانس بلو وتیش: شمارەی بەشدارەیل خوەینشانەگە رەسیە نزیکەی ٢٥٠ کەس. 

وینەیلیگ لەلایەک ئیزگەگە بڵاو بویە، نشان ئاگردان زوڵدان و بڕین ریەگە دەێد، و هەمیش نشان رۊیوەرۊ بوین ناوبەین پۆلیس و ناڕەزایلە، و دەسگیرکردن یەکیگیانیش نشان دەێد.