کۆبونەوەیگ چەوەڕیکریاگ لەناوبەین نێچیرڤان بارزانی و ئیمانوێل ماکڕۆن

شەفەق نیوز/ لە جیوەجیکردن مکیسیگ فەرمی لە ئیمانوێل ماکڕۆن سەرۆک کۆمار فەڕەنسا، نێچیرڤان بارزانی سەرۆک هەرێم کوردستان سەردان فەڕەنسا کەێد و سوو سێشەممە ٣٠ ئادار ٢٠٢١، لە کۆشک ئیلیزێه لە پاریس،وەگەرد سەرۆک ماکڕۆن کۆبونەوە کەێد.

و ئەوەسا هەردوگ سەرۆک لە کۆبونەوەگەیان باس لە شیوەیل گەشەکردن پەیوەندیەکان هەرێم کوردستان و عراق وەگەرد فەڕەنسا کەن، و هەمیش رەوشەکان لە عراق و هەرێم کوردستان و ناوچەگە وەگشتی، و پەتای کۆڕونا و گاریگەرەیلی، و مەترسیەیل تیرۆر و ئەرکەیل هاوپەیمان ناودەوڵەتی، و گرنگی هاوکاری و هاوبەشی گشت لایەنەکان لە نواگردن داعش وەگەرد بڕیگ لە باوەتەیلیگ تر لە گرنگی هەردەگ لایەنەگە، وەگورەی بەیاننامەی سەرۆکایەتی هەرێم.