ماکڕۆن سوپاس نێچیروان بارزانی کەێد
2021-08-30T12:02:19+00:00
شەفەق نیوز/ ئیمانوێل ماکڕۆن سەرۆک فەڕەنسا، ئمڕوو دووشەممە، باس رێزگردن خوەی لە سەرۆک هەرێم کوردستان و هێزەیل پێشمەرگە کرد، ئەوەیش دویای سەردانەگەس ک دوو رووژ کیشا، لەناوبەین بەغداد و مووسڵ و هەولێر.
ماکڕۆن لە پۆستیگ لەبان ماڵپەڕ تویتەر نووسان: خوازیمن سەردانەگەم ئەرا عراق لە هەولێر کۆتایی وەپی بارم، ئازیزم نێچیروان، سوپاس ئەرا ئی میوانیە.
وتیش؛ قەت فڕەنسا پابەندی کورد دژوە داعش لەهویر نێوەێد.
پۆستەگەی ماکڕۆن لە وڵام پوستیگ هات ك سەرۆک هەرێم نووسادەی، ک ئەرزشدار پشتگیریکردن فەڕەنسا ئەرا هەرێم کوردستان لەناوی کرد.
