تووپخانەیل ئیسرائیل پەلامار ناوچەیلیگ له لوبنان دەن
2023-10-08T06:37:11+00:00
شەفەق نیوز/ قسەکەر سوپای ئیسرائیلی ئەفیخای ئەدرعی، ئمڕوو یەکشەممە، راگەیان توپخانەیل ئیسرائیلی پەلامار ناوچەیل لوبنانی دەن کە لە لیەو پەلامار ئیسرائیل دریاگە، دووپاتکرد سوپای ئیسرائیلی ئەرا گشت سیناریۆیگ ئامادەس.
وێستگەی سوپای ئیسرائیلی راگەیان، پەلاماریلیگ وەلایەن تووپخانەیل لوبنان ئاراستەی ناوچەیل سوپا کریاگە لە کێڵگەی شەعبنا و کویەی شێخ.
دەزگایەیل راگەیانن ئیسرائیلی رینمایی وە هاوڵاتیەیل نزیک سنوور لوبنان دان ئەرا ناوچەیلیگتر بچن لەدویای رویوەروی بوین ناوچەگە وە گولە هاوەن.
ئەدرعی وت، " هێزەیل توپخانەیل سەر وە سوپای ئیسرائیلی لەی مەوقە پەلامار ناوچەیل لوبنان دەن کە لەلیەو گولەواران زەوی ئیسرائیل کریاگە".
وتیش " سوپای ئیسرائیلی ئامادەس ئەرا رویوەروی بوین گشت سیناریۆگان، هالە پەیوەنی ئەرا پاراستن ئاسایش دانشتگەیل وڵات ئیسرائیل".
