وەزیر وەرگری ئیسرائیل هەڕەشەی ئاگرداین لوبنان دەێد
شەفەق نیوز/ بینی گانتس وەزیر وەرگری ئیسرائیل، ئمڕوو سێشەممە، هەڕەشەی ئاگرداین لوبنان دا، لەوەر ئەو پەلامارەیلە ک حزبوڵای لوبنان جیوەجیی کەێد.
تووڕ "مەکان" ئیسرائیلی لە زوان غانتس وت: دەوڵەت لوبنان و سەرکردەیلی خاس زانن ئەگەر ری ئاگر پەسەن بکەن، ئەوەسا وەسەختی سزیەن و زەرەدمەن بوون.
وتیش: ئیسرائیل ئامادەس تەقەلای فرەیگ بیەێد تا بیلێد هاوساگەی گەشە بکەێد، وئامادەس لە گشت وەختیگ تا مقەیەتی هاووڵاتییەیلی بکەێد، وتیش: ئیمە وە گشت شیوەیگ ئامادەیمن، لە ئاسمان، و دەریا، هشکایی، ولەجەنگ ئەلیکترۆنییش.
لەلای خوەییش، یائیر لابید سەرۆک وەزیرەیل ئیسرائیل، لە سەردانی وەگەرد غانتس ئەرا سنوور باشوور وت: ئیسرائیل ئامادەس ئەرا رەفتاکردن لەنوای هەر هەڕەشەیگ.
وتیش؛ ئیمە نیەخوازیمن بکەفیمنە رویوەرویبوین، باوجی ئەوەگ بخوازێد شکست وە سەروەریمان یا وە هاوولاَتییەیل ئیسرائیل بارێد، وەزوی ئاشکرای ئەوە کەێد ک خوەی هەڵەی گەورەیگ کردیە.
