پەلامار مووشەکی نوویگ لەبان سوپای ئیسرائیل و هووشداری ئیرانی لە فراوانبوین سەنگەرەیل
2023-10-15T12:59:31+00:00
شەفەق نیوز/ حزبولڵای لوبنانی، ئەرا چوارەم گلە، لە شەوەکی ئمڕوو یەکشەممەو، شوینیگ ئەرا سەربازگەی ئیسرائیل وە مووشەکیگ کلکریای کردە ئامانج، لەناو هووشداری ئیرانی لە فراوانبوین سەنگەرەیل جەنگ.
ئیزگەی سوپای ئیسرائیل وت: ئەرا چوارەم گلە لە شەوەکی ئمڕووەو، لەبان سنوورەو پەلامار شوینیگ سوپای ئیسرائیلی لە لوبنانەو دریەێد.
لەلای خوەییش، کەناڵ جەزیرە وت: حزبولڵا پەلامار شوینیگ ئیسرائیلی وە مووشەکیگ ئەنجام دا، وە مووشەکیگ لەبان سنوور کەرت خوەرئاوای باشوور لوبنان.
لەو باوەتە، حسێن ئەمیر عەبدولهەیان لە دیدار شازادەی قەتەر وت: بایەسە گشت دەوڵەتەیل ئیسلامی بکەفنە جویلە ئەرا کۆتاییهاوردن وە تاوانەیل سەهیۆنیەت لەبان بیگوناهەیل غەزە.
وتیش: ئەگەر پەلامارەیل سەهیۆنیەت لەبان مەدەنیەیل غەزە وەردەوام بوی، کەسیگ نیەتوەنێد مسۆگەر بکەێد کە پارچەیل جەنگەگە فراوانترەو نەوود، وتیش: ئەگەر وسیان دژمنایەتی لەبان غەزە نیەڕەسێدە ئەنجام، وەنە فراوانبوین سەنگەرەیل جەنگ دویر نییە، و هەر ساعەتیگ ئەگەری زیایەو بوود.
