تاوانیگ شیکاگۆ تیارێدە لەرزە..باوگیگ ژن و سێ دویەت خوەی کوشێد

پۆلیس هووکار تاوانەگە ئەرا گیچەڵ خێزانی گلەودا، تاوانبارەگە دەسگیرکریایە و ها لە ژیر لێکۆڵینەوە.

پیاوەگە و قوربانیەگان خەڵک فەڵەستینن، وەپای ماڵپەڕ "الحرە"ی ئەمریکی.

کاناڵ "ئەی بی سی نیوز" راگەیان، لەناو ماڵیگ لە دەوروگەرد تینلی بارک باشوور شار شیکاکۆ تەقەکردن رویدایە.

هەنای پۆلیس رەسێد ئەرا شوین رویداوەگە، ئەفسەرەگان چوار ژن وە کوشیاگی لەناو ماڵەگە پەیاکردن، گشتیان وە گولە دریابویە لیان، پیاوەگەش لەناو ماڵەگە  وە بی زەرەد پەیا کریا.

پۆلیس دادوەری دیاری ناو قوربانیەیل کرد: ماجدە قاسم  (53 ساڵ)، حەلیمە قاسم (25)، زاهیە قاسم (25)، وحەنان قاسم (24).

پۆلیس لە شوین رویداوەگە مەنییە ئەرا لێکۆڵینەوە و پەیاکردن سەرچەوەی ئەو چەکە کە لە تاوانەگە وەکارهاوریایە.