عاشقە مچبڕەگە دەسگیر کریا

شەفەق نیوز/ وەگورەی رووژنامەی (زودیتی سێنتراڵ)؛ پۆلیس وڵات چین کابرایگ دەسگیر کرد ک لەیەک وەخت دووسی وەگەرد ٢٠ ژن کردگە، و لەو ماوە توێنستیە مەلیۆنا دۆلا لەلیان بکیشێد.

پیاوەگە لە خود مەوقەگە وەگەرد سێ ژن لەناو یەک باڵەخانە پەیوەندی کردگە، و هیچ کامیان وەوەکە نەزانستگە، وەلی دویای سکاڵای یەکەک لە ژنەیل، ک پیاوەگە ١،٣ مەلیۆن دۆلار لەلی کیشاگە، فێڵەگەی کابرا ئاشکرا بویە.

ژنە قوربانیەگە لە سکاڵاگەی باس ئەوە کرد ک لەساڵ ٢٠١٩ توومەتبار جانگ نان جوور کەسیگ لە بنەماڵەی ناسریاگیگ خوەی ناسانگیە و توێنستگە بخەڵەتنێدی و ١،٣ مەلیۆن دۆلار لەلی بکیشێد، ئیجا ئەرا پۆلیس ئاشکرا بوی ک عاشقە مچبڕەگە لە یەک وەخت کوڵە ئەرا ٢٠ ژن گردگە.