دوێەتەیل ئەیزیدی وە مۆسیقا ژیانیان نووەو کەن

Category: هــــه‌واڵ كــوردى

Date: 2021-04-05T07:11:02+0000
دوێەتەیل ئەیزیدی وە مۆسیقا ژیانیان نووەو کەن

شەفەق نیوز/ لە کامپ خانکی لە پارێزگای دهۆک، دوێەتەیلیگ ئەیزیدی راهێنان لەبان چڕین گورانیە جەماوەریەکان کردن، دویای ئەوە ک گورانی لە سەردەم داعش حرام بوی.

ئەندامەیل گرووپ «ئاشتی» ک دوێەتیگ ئەیزیدی وەناو رەنا سڵیمان (٢٢ ساڵان) دامەزرانەی، خوازێد وەڕی گورانیە جەماوەریەکان مقەیەتی کەلتووریان بکەێد، و خۆڕاگرییان بچەسپنێد.

لەو کامپە ک نزیکەی ١٤ هەزار ژن و پیاو ومناڵ ئەیزیدی هانە ناوی، دوێەتەیل لەوەخت شەوەکیان و لەمەوقەی دەرەو گورانی چڕن.

و فرە لە ژنەیل ئی کۆڕاڵە دەسوەسەر داعش بوین، و فرە لە تاکەیل خیزانەیلیان لەدەس دان، و لەڕی مۆسیقاگە چارەسەری ئەرا ئەو ئەندانەمەیلە پێشکەش کەن ک بوینە قوربانی لە دەسدریژی داعش.

مامو عوسمان، ک مۆسیقا لە زانکۆی دهۆک خوەنێد، وت: کەلتوور ئەیزیدی هالە ژیر هەڕەشە، چوونکە فرە لەلی تۆمار نەکریاگە، و پەنابردن فرە لە خیزانەیل وەرەو دەیشت ناوچەیل خوەیان هەڕەشەی ئی کەلتوورە دەێد.

و هەمیش ئووشێد: ئەیزدیەکان لەو کۆمەڵاگایل زیاتر پەیوەندی وە زەوی خوەیان دیرن، و چوونکە لە زەوی وخاک خوەیان دویرەو کەفن، ئەووسا شناسنامەی ئاینی خوەیان گوم کەن.

رێکخراو AMAR ک سپۆنسەر گرووپەگە وە تۆمارکردن بەشیگ لە گورانیە جەماوەریەکان کەێد، و تۆمارەکان داگە نووسینگەی بودلیان لە زانکۆی ئۆکسفۆرد.

ڤیان دەرویش، خانمە ئەندام ئەیزیدی لە پەرلەمان عراق ئووشێد: لە سەردەم داعش گردەوبوین و ئاهەنگەیل بیدەنگ بوین.

باوجی ئیسە، تەقەلا دەن ژیان سرووشتی خوەیان گوزران بکەن، نەک تەنیا جوور قوربانیەیلیگ، ئی هەستە وە دووسی ژیان و مۆسیقا و ئاهەنگ سویرەیل ودڵخوەشی وەژیانیگ سرووشتی لەبان گشت نەهامەتیەیل دیرن.

غەزاڵ داود حسێن دوێەت ئەیزیدی (٢١ ساڵان) ئووشێد: دوێەتەیل تیمەگە جوور کاریگ وەرخودان وەگەرد گورانی رەفتار کەن، و ئووشێد: ئیمە هایمنە ئێرا تا پەیامیگ ئاڕاستەی داعش بکەیمن؛ ک ئیمە قەت نێشکیمن.

related

لە ساڵیاد جینۆسایدەگە تەقینەوەیگ شەنگال هەژنێد

Date: 2020-08-03 11:40:34
لە ساڵیاد جینۆسایدەگە تەقینەوەیگ شەنگال هەژنێد

نێچیرڤان بارزانی دوو مناڵ ئەیزیدی لە تورکیا ورگرێد لەدەس داعش رزگار کریانە

Date: 2020-09-04 15:04:00
نێچیرڤان بارزانی دوو مناڵ ئەیزیدی لە تورکیا ورگرێد لەدەس داعش رزگار کریانە

ژنەیلیگ ئەیزیدی لە پەرلەمان هەرێم کوردستان رەخنەیگ ئەرا حکومەت عراق ئاڕاستەکەن

Date: 2020-09-13 10:21:31
ژنەیلیگ ئەیزیدی لە پەرلەمان هەرێم کوردستان رەخنەیگ ئەرا حکومەت عراق ئاڕاستەکەن

ژنە رزگاربویە ئەیەزیدیەگان هانە پەرلەمان عراق ئەرا داواکردن داناین یاساگەیان

Date: 2020-09-21 14:41:49
ژنە رزگاربویە ئەیەزیدیەگان هانە پەرلەمان عراق ئەرا داواکردن داناین یاساگەیان

پەیاکردن تەرم دوێەت کۆچبەریگ ئەیزیدی لە تورکیا

Date: 2021-01-09 12:22:05
پەیاکردن تەرم دوێەت کۆچبەریگ ئەیزیدی لە تورکیا