دویای ساڵەیلیگ لە دیلکردنیان لە کامپ هۆل.. دوو دوێەت ئەیزیدی هانەڕیەو وەرەو شەنگال
2020-10-30T12:52:23+00:00
شەفەق نیوز/ هێزەیل قەسەدە، ئمڕوو جمعە، دوو دوێەت ئەیزیدی دینەو، لە کامپ هۆل لە سوریا.
خودیدا جوقی وەڕێۆبەر ناحیەی سنونی لە شەنگال ئەرا ئاژانس شەفەق نیوز وت: هێزیگ لە قەسەدە دوو دوێەت ئەیزیدی لە کامپ هۆل لە سوریا دیەو، و ئاماژە کرد ک دوو دوێەتەگە بریان ئەرا ماڵ ئەیزیدی لە حەسەکە، ولەوەراو وەهەماهەنگی وەگەرد سوپای عراق تیەرنەیان ئەرا کەسوکارەیلیان لە کوردستان.
جوقی وتیش؛ یەکەم دوێەتەگە ناوی «رافیدە نایف»ە لە خەڵک ئاوای تەل قەسەب، و دوویەمەگە « ئیناس حسێن» لە ئاوای کوجو.
وەڕێۆبەر ناحیەی سنونی مەزەنە کرد ک ژمارەیلیگ تر لە ئەیزیدیەگان لە کامپ هۆل هەس، بەڵکم ریخریاگ داعش کۆنتڕۆڵ ناو کامپەگە کردکە، وهیچ زانیاریەیلیگ لە ئەیزیدیەگان نیەێد.
