ژنە رزگاربویە ئەیەزیدیەگان هانە پەرلەمان عراق ئەرا داواکردن داناین یاساگەیان

ژنە رزگاربویە ئەیەزیدیەگان هانە پەرلەمان عراق ئەرا داواکردن داناین یاساگەیان
2020-09-21T14:41:49+00:00

شەفەق نیوز/ سائیب خدر نۆێنەر پێکهاتەی ئەیزیدی، ئمڕوو دووشەممە، راگەیان لە ووردەکاریەیل چەوپیکەفتنەگەی ژنە ئەیزیدیەگان ک رزگار بوینە وەگەرد سێ سەرۆکایەتیەگەی عراق، وئاماژە کرد ک ئی ئەیزیدیەیلە وەگەرد پەرلەمان عراق باس لە داناین یاساگەیان کردن.

خدر لە کۆنگرەیگ رۆژنامەوانی وەئامادەبوین ژمارەیگ لە ژنە ئەیزیدیە رزگاربویەگان، وئاژانس شەفەق نیوز ئامادەی بوی وت: زنجیرەیگ لە چەوپیکەفتنەگان لەلایەن رزگاربویەگان کریا لەباوەت بڕیگ لە ئەو باوەتەیلە ک تایبەتن وە خوەیان و قوربانیە ئەیزیدیەگان، وئەرا هانداین فراکسیۆنە سیاسیەگان ئەرا داناین یاسای ژنە رزگاربویە ئەیەزیدیەگان، ودیاریکرد ک زیاتر لە سێ هەزار رزگاربوی هەس هیچ مافیگ وەرنەگردنه.

نۆێنەر پێکهاتە ئەیزیدیەگان جەختکرد ک بایەدە یاسایگ بوود ئەرا سزادان تاوانبارەیل و قەرەبووکرن خیزانەیل قوربانیەگان، وداوا لە ئەنجومەن نوێنەرەیل کرد یەکلای داناین یاسای ژنە رزگاربویە ئەیزیدیەگان وەشیوەی زوییگ بکریەێد و ئەو پەیمانەیلە ک ساسیەگان ئەرا رزگاربویەگان دانەسەی جیوەجی بکریەێد.

Shafaq Live
Shafaq Live