لە ساڵیاد جینۆسایدەگە تەقینەوەیگ شەنگال هەژنێد
2020-08-03T11:40:34+00:00
شەفەق نیوز/ وەرپرسیگ حکومەتی، ئمڕوو دووشەممە، خەوەردا ک تەقینەوەیگ ناوەند قەزای شەنگال هەژان وەبی زەرەدی.
وەرپرسەگە ک داواکرد ناوی ئاشکرا نەود، ئەرا ئاژانس شەفەق نیوز وت: تەقینەوەیگ دویەشەو لە گەڕەک یەرمووک خوەرهەڵات شار شەنگال روی دا.
وتیش؛ تەقینەوەگە هیچ زیانیگ گیانی لەلی نەوەیەو، بەڵکم دەنگە گەوراگەی دانیشتوەیل شارەگە توقان.
سەرچەوەگە ئاماژەدا ک ئەندازیاری فیرقەی ٢٠ سۆپای عراق توێنست تەقینەوەیگ تر بچەکنێد لە نزیك یەکەم تەقینەوەگە نریاویدەو.
ئمڕوو ریککەفت ساڵیاد شەشمە ئەرا داگیرکردن قەزای شەنگاله لەلایەن داعش، و جینۆسایدکردن دژوە خەڵک په‌یڕه‌و ئاین ئەیزیدی.
