زەرەد فرەیگ...کەسەیلیگ مەکتەویگ ئەهلی لە زیقار سزنن

2023-01-23T07:16:47.000000Z

شەفەق نیوز/ سەرچەوەیگ ئەمنی لە زیقار باشوور عراق، ئمڕوو دووشەممە، خەوەردا لە سزیان مەکتەویگ ئەهلی لە پارێزگاگە.

سەرچەوەگە وە ئاژانس شەفەق نیوز وت، لە دیرە وەخت دویەشە ئاگر وەردریاسە مەکتەو ئەهلی رەقیم  کوڕەیل لە قەزای رفاعی باکوور پارێزگاگە، وتیش تیم وەرگیری شارستانی توەنستنە ئاگرەگە کپەوبکەن لەدویای ئەوەگ ژوور ئیدارەی مەکتەوەگە لەناودا وە تەواوی بویە هووکار زەرەد مادی گەپیگ.

ئاشکەرایکرد، لە لێکۆڵینەوەیل سەرەتایی رویداوەگە دەرچگە دەس کەسیگ هاپشتی، دیاریکرد دەسنریاس لەبان بوتڵ بانزین لە نزیک شوین رویداوەگە، سەرچەوەگە دیاریکرد وەرێەوبەر مەکتەوەگە داوای شکات کردیە دژ ئەو کەسەیلە ک تا ئیسە نەناسریاگە.

Shafaq Live
Shafaq Live