ئیران سزای لە سێدارەدان وەبان هونەرمەنیگ دەرکەێد ک چەوپیکەفتن وەگەرد کەناڵیگ ئسرائیلی کردیە
2022-12-30T09:38:08+00:00
شەفەق نیوز/ دادگای شۆرش لە تەهران سزای لە سێدارەدان ئەرا وینەکیش ئیرانی مەهدی بەهمەن دەرکرد، ک لە وەخت خوەینیشاندانەیل ئیران دەسگیرکریایە، لەدویای چەوپیکەفتنیگ وەگەرد کەناڵیگ ئیسرائیلی.
سایتەگەی رادیۆ "فەردا"ی ئیرانی، دویەشەو پەنجشەممە، لەزوانی سەرچەوەیل ئاگادار راگەیان " لق 28 دادگەی شۆرش لە تەهران سزای لە سێدارەدان ئەرا چیرۆکنویس و نیگارکیش مەهدی بەهمەن دەرکردیە".
سایتەگە وتیش،" تا ئیسە هویچ زانیاریگ نییە لەباوەت ئەو توومەتەیلە ک لە دۆسیەی مەهدی بەهمەن خریاسە روی"، وەپای ئەوەگ کەناڵ ئارام پەخشی کردیە.
وەزارەت هەواڵگێری ئیران راگەیان مەهدی بەهمەن لە تەشرین یەکەم گوزەشتە، لە ناوڕاس ناڕەزایەیل دەسگیرکردنە لە دویای چەوپکەفتنیگی وەگەرد کەناڵ تەڵفزیونی ئسرائیلی.
