خنکیان گەنجیگ مەوقەی مەلەوانی و مردن مناڵیگ وە رویداو تلیان لە حەویجە
شەفەق نیوزـ کەرکوک
سەرچەوەیگ ئەمنی لە پارێزگای کەرکوک، ئمڕوو شەممە،خەوەردا لە خنکیان گەنجیگ مەوقەی مەلەوانی کردن لەناو چەمیگ قەزای حەویجە، وەگەرد گیان لەەسدان مناڵیگ وە رویداو تلیان لەبان ری حەوێجە ـ عەباسی.
سەرچەوەگە وە ئاژانس شەفەق نیوز وت، گەنجەگە مەوقەی سناوکردن لەناوچەمەگە کەفێدە ناوەین ئەشریجە و تەل عەلی لە قەزای حەویجە خنکیاس وتیش؛ گەنجەگە بەجەر هاز ئاوەگە نەکردگە بویەسە مدوو بردن و خنکیانی.
وتیش، تیمەیل فریاکەفتن و مینەکردن دەسکردن وە کارەیل وەشکین و دراوردنی، و وەگەرد سەختی بارودۆخ ئاوەگە تەقەلایەیل ئەرا پەیاکردنی وەردەوامە.
لە رویداویگ پەیوەنیدار، سەرچەوەگە ئاشکرایکرد، مناڵەگە دویەتیگ پەنج ساڵانە وە رویداو تلانن لەبان ری حەوێجە ـ ناحیەی عەباسی گیان لەدەسداس، وتیش رویداوەگە وە مدوو خێرایی رانی ماشینەگە بویە کە لە ئەنجام مناڵەگە تلیاس و دەسوەجی گیان لەدەسدایە.
دیاریکرد، هێزە ئەمنیە رانندەی ماشینەگە دەسگیرکردن، و رێکار یاسایی وەرانوەی گیریارەوەر، تەرم مناڵەگە گوازریا تا رێکار یاسایی وەربگریەێد.
