وسيان کاندیدکردن فیلمەیل رووسيا ئەرا خەڵات ئۆسکار ناودەوڵەتی

لەباوەت بەرهەمهێنەر فیلم رووسی، فیۆدۆر پۆپۆڤ کە وەرپرسیارە لە وەڕێوەبردن کاروبار دەسەگە، رەسیە ئەو ئەنجامە کە کارەیل دەسەی “ئۆسکار” رووسی وسیایە.

 پۆپۆڤ لە بەیاننامەیگ کە ئەرا ئاژانس "تاس" ڕووسی وت؛ وەمدوو کیشانەوەی فرەیگ لە ئەندامەیل دەسەی خەڵات ئۆسکار رووسیا کارەگان وسانیە، وتیش: ئەندامێتی دەسەگە فرە کەمەو بویە و چالاکییەیلی وسیایە.

 فیۆدۆر پۆپۆڤ وتیش؛  لە مەرجەیل ئیسە لۆژیکی نییە فیلمەیل رووسی ئەرا خەڵات ئۆسکار ئەمریکی کاندید بکریەن، چوینکە خوەرئاوا سزا لەبان رووسیا چەسپانیە،  “کلتوور و وەرزش و بوارەیل ترەک رووسیا کەفتنەسە ژیر سزا”.

دوو سەرچەوە لە ئەندامێتی دەسەی ئۆسکار رووسیا دیاری کردنە کە رووسیا ئمساڵ هویچ فیلمیگ رووسی ئەرا خەڵات ئۆسکار کاندید نیەکەێد.