هونەرمەنیگ ئێزدی وە وینەکیشان خوەی وەجەهان ناسانیە
شەفەق نیوز/ گەنجیگ کورد ئێزدیی خەڵک شار (شاریا) لە پارێزگای دهۆک، وەناو سەباح ئەمین، وە کیشان وینە، سەرنج دنیا وەرەو خوەی کیشاێە، هەمیش ئەو کارەیە بویەسە سەرچەوەیگ خاسیگ ئەرا داهات، ک وە زوان خوەی ئویشێد: دەرچگ کۆلێژ یاسای دهۆکە، باوجی وینەکیشان وە کار سەرەکی خوەێ زانێد، و رووژانە لەلای کەمەو دوو سەعات و رووژیش هەس هەفت سەعات وینە کیشێد.
سەباح هەمیش ئویشێد: ”هەر لە مناڵیەو ئارەزوو کیشان وینە بویە، و ئیسە کەسەیلیگ ئەرا کیشان وینەیل لە ئەوروپاوە نوورە گردنە، کیشان وینەیگ تایبەت ک نزیکەی هەفت رووژ ئەرا 10 رووژ وە وەردەوامی کار لەلی کەم، وەپەی داواکاریی کەسەیل، نرخی لە 150 دۆلارە تا 500 دۆلار رەسیە.“
سەباح، ک تاقانەی هەفت خوشکە، توەنستیە لە ری سۆشیال میدیا خوەی بناسنێد، و وەو سەرنج فرەی فانەیل تووڕ کۆمەڵایەتی ئەرا خوەی کیشاگە، ک لە گشت جەهان داوای کیشان وینە لەلی کریەێد.
