پەیوەنی ناوەین مناڵ و وینەکیشان
2023-08-11T06:47:21+00:00
شەفەق نیوز/ وینەکیشان یەکیگە لە خاسترین و سادەترین و سەرەتاییترین چالاکی ک مناڵ لەماڵ توەنێد ئەنجامی بیەێد، هەرچەن لەی رووژگارە لەوەر ئەوزەڵکردن تەکنەلۆژیا مناڵەیلە کەمتر ئەزرەت وینەکیشان کەن باوجی فرەتر خوەشیان وە ئامێرەیل زیرەک تیاێد.
مەوقەیگ ک زانست دەروینناسی چەسپانییە، مناڵ لە ری وینەکیشان توەنێد راستەوخوەی هەستە دەروینیەیلی نیشان بەێد، گرنگی یەیش ها لەورا مناڵ وە وشەیل نیەتوەنێد بڕیگ لە هەستەیل خوەیان دەربخەن تا هەستەگە وە شاریاگی نەمینێد لێوا خاستر وەختیگ ئەرا وینەکیشان مناڵەیلە دابنریەێد و هوکارەی ئی کارەیانە بکرین.
هەمیش لەروی زاست پزیشکیش وینەکیشان هاز وەخشێدە دەس مناڵ و لە مەوقەی وینەکیشان هەماهەنگییگ فرەتر لە ناوەین چەو و مێشک و دەس دروس بوود.
