هونەرمەنیگ ئۆکرانی لەژیر تووپ و مووشەک ئاواز ئومید ژەنێد
شەفەق نیوز/ وەدەسمیەتی کەسەیلیگ لە سوپای ئۆکرانیا، هونەرمەن فیدینسکیج گردێدە شۊنەیل پەنابردن و ویستگەیل میترۆ لە کیێڤ و دەورگردی، تا وەڕی میوزیک دەسمیەتی گەل ئۆکرانیا بەێد، وەگەرد مۆسیقای کۆبزار و گورانیەیلە ک باس میژوو و ئومید و ئازادی فەلسەفەی ژیان کەێد.
جەنگەگەی ناوبەین رووسیا و ئۆکرانیا سەختەو بوود و باسەیل دڵگیریگ لەناو ئەو زیان و رخە لەژێر گورزەیلە پەیا بوود، و لە جادەیل کیێڤ پایتەخت ئۆکرانیا و لەژیر شۊنیەل پەنابردن و لە ویستگەیل میترۆ، گورانیچڕ و میوزیک ژەن جوریج فیدینسکیج خوەی خەێدە وەر ئەو رخەیلە تا چەوی بکەفێدە خەڵکەگە و مۆڕاڵیان بەرزەو بکەێد، و کەمیگ ئومید لەژیر ئەو رمیاگەیلە پێشکەش بکەێد.
لەو گەردینە ک وەگەرد ٤ کەس ئەنجامی دەێد، چەک وەپیان نییە، باوجی ئامێر میوزیک "کۆبزار" ک لە شیوەی "عود"ە وەگەردی هەڵگردیە، و ئەوە بۊەسە چەک دەسی ئەرا ئی جەنگە.
