ناسر رەزازی باس تەندروسی خوەی کەێد
2021-05-08T09:51:23+00:00
شەفەق نیوز/ وەگەرد دەنگوباس خراوبوین بار تەندروسی هونەرمەن ناودار ناسر رەزازی، ئەو هونەرمەنە بڵاو کرد ک تەندروسیی خاسە و ئەو دەنگوباسەیلە راس نیین.
لە پۆستەگەی لە بان تووڕ کۆمەڵایەتی ئینستاگرام نووسان: وەرجە چەن شەویگ لە بەڕنامەی شەوانی کوردسات وەڕاستەخۆ پەخش کرد ک کەمیگ بار تەندروسییم خاس نییە، وەلی هیچیگ نەوەی تەنیا کەمیگ گەیەم خراو بوی، دویای ئەوە بویە دەنگوباسیگ گوایە من بیمارم و تەندروسییم خاس نییە، باوجی من تەندروسییم فرە خاسە.
هونەرمەن ناسر رەزازی هەمیش لە پۆستەگەی ئویشێد: هەر لەیراو سوپاس ئەو ئەزیزەیلە کەم ک لە روی دڵسوزی ئەو قسەیلە کردنە و شوکر ئەرا خودا ک خاسم وگرفتیگ نەیرم.
